Дәрігерлердің 70 пайыздан артығы- әйелдер

8 Наурыз, 2014 11:30

Бүгін Қазақстан Республикасының Денсаулық сақтау министрлігінде Халықаралық әйелдер күні - 8 наурыз мерекесіне арналған салтанатты жиын болып өтті.

«Елбасы Нұрсұлтан Әбішұлы Назарбаев әйелдер - отбасы тірегі, яғни мемлекеттің тірегі екенін үнемі айтып жүр. Қыз балалар, әйел заты әрдайым қоғамымыздың тең құқылы мүшесі, ал ана - ең құрметті тұлғасы болып есептелген. Елімізде әйелдердің рөлін көтеру үшін барлық жағдайлар жасалған. Қазақстандық әйелдерді мемлекеттік және қоғамдық басқаруға белсенді түрде тартуға, олардың кәсібін ашуына және басқаруына қолайлы жағдайлар туғызуға ерекше назар аударылады»,- деді әріптестерін көктемнің алғашқы мерекесімен құттықтаған Министр Салидат Қайырбекова:.

Қазіргі таңда әйелдер қоғамымыздың барлық салаларында еңбек етуде. Денсаулық сақтау саласын алсақ, дәрігерлердің 70 пайызын, ал орта медициналық қызметкерлердің 90 пайыздан астамын әйелдер құрайды.

Барлық жаңалықтар