• Басты
  • Алматы қаласының әкімі әйелдерді 8 наурыз мерекесімен құттықтады
8 Наурыз, 2014 11:00

Алматы қаласының әкімі әйелдерді 8 наурыз мерекесімен құттықтады

Алматыда 8 наурыз – Халықаралық әйелдер күніне арналған мерекелік концерт өтті. Мейраммен алматылық қыз-келіншектерді қала әкімі Ахметжан Есімов құттықтады.
Алматы қаласының әкімі  әйелдерді  8 наурыз  мерекесімен құттықтады

Қала басшысы әйел-азаматшалардың қала мен ел дамуында, экономика, ғылым, спорт және басқа да салаларда, айрықша үлес қосатынын атап өтті.

“Отбасы ұйытқысы – әйелдердің ана ретіндегі рөлі айрықша басым екенін атап өткім келеді. Дүниеге сәби әкеліп, көп бала тәрбиелеген нәзік жандылардың абыройы қашанда бекем, олар қоғамның құрметіне бөленеді. Бүгінде шаһар тұрғындарының тоғыз мыңнан астамы - көпбалалы ана, олардың үш мыңға жуығы «Алтын алқа» және де «Күміс алқа» иелері”,- деді Ахметжан Есімов

Сондай-ақ, шаһар басшысы Алматы халқының 54,4% әйелдер екенін тілге тиек етті.

«Алматыда 370 мыңнан астам азаматша түрлі салада қызмет етеді. Оның ішінді өнеркәсіпте 19 мың, қаржы қызметінде 29 мың, білім саласында 56 600, денсаулық сақтау және әлеуметтік қызметте 36 мың әйел еңбектенуде, олар қала әкімінің орынбасары, аудан әкімі, басқарма басшысы ретінде де өз қызметтерін жемісті атқаруда»,- деді Ахметжан Есімов.

Сөз соңында қала әкімі барша әйел азаматтарына табыс, шаттық, саулық тіледі.

Барлық жаңалықтар