Н.Назарбаев Қазақстанның ер адамдарын әйелдерді құрметтеуге және бағалауға шақырды

7 Наурыз, 2014 17:00

Мемлекет басшысы Нұрсұлтан Назарбаев Қазақстанның ер адамдарын әйелдерді құрметтеуге және бағалауға шақырды. Бұл туралы ол Халықаралық әйелдер күніне орайластырылған «Көктем шуағы» Қазақстанның әйелдер қауымдастығы өкілдерімен кездесу барысында айтты.

Кездесуге экономиканың түрлі секторының, мәдениеттің, әлеуметтік сала мен мемлекеттік қызмет өкілдері қатысты, деп хабарлайды Ақорда.

«Мен сіздер арқылы еліміздегі барлық әйел атаулысын құттықтап, оларға денсаулық пен табыс тілеймін. Әйелдер еліміздегі экономиканың барлық салаларындағы, әсіресе денсаулық сақтау, білім беру, мәдениет, кәсіпкерлік секілді көптеген салаларда қызмет етуде. Олардың үлес саны шамамен 52 пайызды құрайды. Солардың ішінде көпшілігі депутаттар, жетекшілер мен мемлекеттік қызметкерлер. Осылайша олар еліміздегі маңызды істердің басы-қасында жүр», - деді Нұрсұлтан Назарбаев.

Қазақстан Президентінің айтуынша, еліміздегі әйелдердің көпшілігі табысты және сапалы еңбек етуде.

«Тәуелсіздік алғалы бері шамамен 7 млн-дай сәби дүниеге келді. Қазіргі таңда елімізде мыңдаған нәресте дүние есігін ашады. Бүгінде еліміздегі көпбалалы аналардың саны жаты миллионға жуықтады. Бұл нағыз ерлік. Барлық әлеуметтік жүк әйелдердің мойындарына артылған. Медицина мамандарының ¾-і әйелдер», - деді Мемлекет басшысы.

Қазақстан Республикасы Президентінің айтуынша, гендерлік саясатта республикамыз алдыңғы қатарлардан көрінеді. Жалпы ұлттық өнімнің өндірісіндегі әйелдердің үлес салмағы 40% құрайды. Әйелдер маңызды мемлекеттік лауазымдарды иеленген. 550 мың қазақстандық нәзік жанды шағын және орта кәсіпкерлікті басқарып отыр.

Н.Назарбаевтың айтуынша, таяуда ғана Махаббат Бекбосыновты Әйелдер және отбасылық-демографиялық мәселелер бойынша Ұлттық комиссияның төрайымы етіп тағайындады. Елбасы ол кісінің атақты дәрігер екенін тілге тиек етті.

Мемлекет басшысы «Қазақстан-2050» Стратегиясын іске асыруда да әйелдердің еңбегі ерен.

«Біз саяси тұрақтылықты ұстай отырып, елімізде тұрып жатқар барлық адамдарға теңдік пен әділеттілікті қамтамасыз етеміз. Біз осы дәрежеге тізе қосып әрекет ету арқылы ғана жеттік», - деді Елбасы.

Сөзінің соңында Мемлекет басшысы атқарылып жатқан барлық мемлекеттік бағдарламалардың мақсаты елдің ахуалын жақсарту екенін айта кетті.