Қазақстан Қорғаныс министрі әскери қызметші әйелдерді 8 наурыз мерекесімен құттықтады

 Қорғаныс ведомствосының басшысы өздерінің еңбегімен Қарулы Күштерімізді нығайтуға үлкен үлес қосып келе жатқан қыз-келіншектерге ризашылығын білдірді.

Қорғаныс министрлігінде хабарлағандай, Қорғаныс министрінің бұйрығымен еңбегімен ерекше көзге түсіп жүрген әскери қызметші әйелдерге кезектен тыс әскери атақтар беріліп, грамоталармен марапатталды.

Бүгінгі таңда Қазақстан Республикасы Қарулы Күштерінің қатарында 8 мыңнан астам әскери қызметші қыз-келіншек бар. Олардың 821-і офицер шенінде болса, 54-і Қазақстан Қарулы Күштері қатарында басшылық лауазымдарды атқарып келеді.

Төл армиямыз сапында қызмет атқарып келе жатқан әйелдер арасында -184 лейтенант, 258 аға лейтенант, 211 капитан, 134 майор, 27 подполковник,

8 полковник бар. Сонымен қатар, Қорғаныс министрлігіне қарасты құрылымдардың азаматтық персоналы арасында да көптеген адамзаттың нәзік жанды бөлігі еңбек етуде.