Қазақстандағы әйелдердің 60%-дан астамы бизнес саласында жұмыс істейді – А.Соловьева
«Елімізде нәзік жандылар шағын және орта кәсіпкерліктерде кеңінен қызмет етеді. Бұл үрдіс соңғы 5 жылда қарқын алып келеді. Қазіргі таңда әйелдердің 60 пайызы осы салада қызмет етеді. Біз әйелдерді көптеп тарту үшін несиелік желісін құрдық. Осы тұрғыда әйелдердің кәсіпкерлікпен айналысуы, кәсіпкерлікте қызмет етуі немесе осы салада басшылық етуге тиісті деңгейде жағдай жасау үшін елімізде қалыптасқан жағдайды назарға аламыз», - дейді А.Соловьева.
Оның айтуынша, әйелдердің еркектер көбірек қызмет ететін жерлерде еңбекке араласуы үшін шағын және орта кәсіпкерлікке ден қою керек.
«Ірі кәсіпкерлік саласына әйелдер көптеп кіріге алмайды. Мұнай компаниясы немесе газ секторының иелерінің қатарында әйелдердің үлесі жоқтың қасы. Ал ауыл шаруашылығы немесе осы өнім түрлерін өңдеуде нәзік жандылар көптеп қызмет етеді. Әйелдердің де бәсекеге қабілеттіліктерін арттыру керек. Осы орайда тек кәсібилік пен маманданудың пайдасы зор», - дейді депутат.
