• Басты
  • Астанада көліктік -логистикалық саладағы кадрлық саясат бойынша жол картасы жобасы жасақталды

Астанада көліктік -логистикалық саладағы кадрлық саясат бойынша жол картасы жобасы жасақталды

7 Наурыз, 2014 12:04
Қазақстанның «KAZLOGISTICS» көлік қызметркерлерінің одағы 2014 жылдың 6 наурызында тасымалдау саласына мамандар даярлаудағы проблемалар бойынша оқу орындарының, көліктік-логистикалық саладағы компаниялардың өкілдерінің қатысуымен дөңгелек үстел өткізді.

Қазақстанның «KAZLOGISTICS» көлік қызметркерлерінің одағынан хабарлағандай, әлеуетті жұмыс берушілер мен оқу орындарының өкілдерімен кездесу мамандарды даярлау барысындағы проблемаларды шешуге арналды.

Көліктік-логистикалық саланың негізгі тенденцияларын есепке ала отырып, іс-шара аясында аймақтың еңбек нарығындағы кадр тапшылығы мен проблемалары да талқыланды. Сонымен қатар, өңірлердегі көліктік-логистикалық сала бойынша білікті мамандар даярлаудағы мәселелер мен жұмыс берушілердің оқу орындарымен біліктілікті арттыру бойынша ынтымақтастық мәселелері де қаралды.

Алдағы уақытта да әріптестікті дамыта түсу үшін жұмыс берушілер тарапынан мына мәселелер ортаға тасталды: студенттердің дипломдық жұмысы үшін актуалды тақырыптардың тізімін құру, шет елде оқуды қаржыландыру, өндірістік немесе инфрақұрылымдық нысандарға шығуды ұйымдастыру, «KAZLOGISTICS» кадрлық резервін құру, жобалар бойынша олимпиадалар ұйымдастыру, көліктік-логистикалық салада оқушылар мен мектеп бітірген түлектерді оқыту бойынша бірігіп жұмыс атқару, шет елдік сарапшыларды тартып, оқыту бағдарламаларын қолға алуды қарастыру.

Шара барысында сонымен қатар дуалды оқытуды ұйымдастыру, мамандардың білікті тобын дайындау, салада мамандандырылған және білікті жаңа бағытын құру, алда жұмысқа қабылдау және еңбекақы төлеу шартымен өндірістік тәжірибе ұйымдастыруға қатысу мәселелері талқыланды.

Дөңгелеу үстел қорытындысы бойынша, көліктік-логистикалық салада кадрлық саясаттың жол картасы дайындалды. Жоғарғы және орта білім беру орындары, транспортты-логистикалық компаниялардың қатысуымен транспортшылардың Жастар форумын өткізетін уақыт пен орын талқыланды.

Барлық жаңалықтар