2014 жылы ҚР-ның барлық өңірінде 9 сыныптың жетістігін бағалайды
7 Наурыз, 2014 11:39
2014 жылы ҚР БҒМ Ұлттық оқыту статистикасы мен бағалау орталығы ҚР-ның барлық өңірінде «Қазақстанның жалпы білім беретін мектептерінің 9 сынып оқушыларының жетістігін бағалау» тәуелсіз зерттеу өткізеді.
Қазақстан Республикасы Білім және ғылым министрлігінің хабарлауынша, зерттеу жұмысы 2014 жылдың 1-30 сәуірі аралығында еліміздің барлық өңірінде өткізіледі.
Бірінші кезекте, «Математика», «Жаратылыстану» мен «Сауатты оқу» бағыттары бойынша компьютерлік форматтағы тестілеу жүргізіледі. Сонымен қатар онда тоғызыншы сынып оқушыларына анкеталық сұрақ ұйымдастырылады.
Ведомствоның хабарлауынша, зерттеуге 5 мыңнан астам адам қатысады. Соның ішінде 96-сы мектеп директоры, 944-і пән мұғалімдері және 4 мыңы жалпы білім беретін мектептердің 9 сынып оқушылары.
Айта кету керек, Қазақстанның жалпы білім беретін мектептерінің 9 сынып оқушыларының жетістігін бағалау тәуелсіз зерттеуінің қорытындысы 2014 жылдың шілде айында жарияланады.
