Қазақстан мен Дүниежүзілік туристік ұйым EXPO-2017 бойынша меморандумға қол қойды

Туризм индустриясы комитетінен хабарлағандай, ҚР ИЖТМ мен БҰДТҰ туризм саласындағы түрлі жобаларды жүзеге асыруда, туристік гидтерді дайындауда, БҰДТҰ-ның Жібек жолы бойынша жобасын жүзеге асыруда бірлесіп жұмыс істейтін болады.

Сонымен қатар, келісім шеңберінде маркетинг және коммуникация саласында әріптестік орнату, БҰДСҰ мүше елдердердің арасында EXPO-2017 көрмесінің танымалдылығын арттыру бойынша жұмыстар атқарылады.

Дүниежүзілік туристік ұйым білім мен тәжірибе алмасуда, Еуропа мен Азия арасындағы туризм тенденциясын талқылауда көмек береді деп күтілуде.

Жалпы, осы жылғы халықаралық туризм индустриясы көрмесінде 139 елден келген 10 мыңнан астам компания таныстырылды.

Туризм индустриясын дамыту бойынша халықаралық «ITB» көрмесі 1966 жылдан бастап жыл сайын өткізіледі, сонымен қатар ол салалық ең ірі форум болып табылады, онда туризмді дамыту бойынша барлық әлемдік тенденциялар ұсынылған.