2014 жылдың басынан бастап Қазақстанның мамандандырылған ХҚКО-нда 4 мың әйел жүргізуші куәліктерін алды

7 Наурыз, 2014 11:01

Жылдың басынан бастап 15 мыңнан астам қазақстандықтар мамандандырылған халыққа қызмет көрсету орталықтарында жүргізуші куәліктерін алды, олардың төрттен бір бөлігін әйелдер құрап отыр.

Көлік және коммуникация министрлігінде хабарлағандай, мамандандырылған халыққа қызмет көрсету орталықтары Қарағанды, Алматы, Ақтау, Астана және Тараз қалаларында қызмет етіп жатқандығын еске саламыз.

«ИК-2020» мемлекеттік бағдарламасын іске асыру жоспарына сәйкес 2014 жылы Қызылорда, Павлодар, Петропавл және Талдықорған, ал 2015 жылы Ақтөбе, Атырау, Көкшетау, Қостанай, Орал және Шымкент қалаларында мамандандырылған ХҚКО-н іске қосу жоспарланып отыр.

Бизнес-процестерді автоматтандыру, мемлекеттік органдардың деректер қоры мен ақпараттық жүйелерін ықпалдастырудың арқасында практикалық және теориялық емтихан тапсыруды есепке алғанда, жүргізуші куәлігін алуға орташа есеппен 2 сағат кетеді. Ал автокөлік құралын тіркеу/қайта тіркеу кезінде агрегаттарды салыстыруды Орталықтың аумағында өткізу нәтижесінде автокөлік құралын 1,5 сағатта тіркеуге мүмкін бар.

Барлық жаңалықтар