2014 жылы Көкшетауда жаңа саябақ салынады

Көкшетау қаласы әкімі Ж.Жұмағұлов Ақмола облыстық ішкі саясат басқармасы жанындағы «Ақмола медиа орталығы» баспасөз орталығындағы брифингте Көкшетау қаласының әлеуметтік-экономикалық даму барысы туралы айтып, өткен жылғы жетістіктер және алдағы уақыттағы жоспарлармен бөлісті.

«Бізге тұрғын үй мәселесі бойынша халық көп келеді. Бүгінгі таңда аталмыш мәселенің ең басты нәрсе екені жасырын емес. Айта кету керек, осы түйінді шешу үшін біз өз тарапымыздан қолған келгеннің бәрін жасаудамыз», - дейді әкім.

Оның айтуынша, 2014 жылы Көкшетауда жаңа саяжай салынады. Және де 44 ішкі аулалар жөндеуден өтіп, қаланың сыртқы трубалары мен газ құбырлары қалпына келтірілмек.