Астанада 2020 жылға дейін техникалық реттеу жүйесін жетілдіру және метрология жобасы талқыланды
Жиналыстың негізгі мақсаты республиканың техникалық реттеу және метрология саясаты туралы ақпараттандыру, сонымен қатар, Қазақстандағы Кедендік одақтың техникалық регламентінің талаптарына сәйкес кәсіпорындардың сынақ базасының қазіргі жағдайы, оның проблемалары мен оның шешу жолдарын анықтау.
«Премьер-Министрдің тапсырмасы бойынша біз барлық облыстарды аралап шықтық. Бүгінде біз Ақмола облысымен бірлесіп стандарттаау бағдарламасы бойынша жобаны ұсынып отырмыз. Сонымен қатар, бұл бағдарламаны бірлесіп талқылап, наурыз айының соңына қарай біздің орташамерзімді стандарттау, метрология, тіркеу бойынша бағдарлама жобасын Үкіметтің қарауына жіберуді де ұсынудамыз. Сондықтанда біз сіздердің ойларыңызбен ескертулеріңізді және ұсынызтарыңызды білсек деп едік», - деп ҚР ИЖТМ Техникалық ретту және метрология комитетінің төрағасы Біржан Қанешев атап өтті.
Оның айтуынша, аталмыш іс-шара қолданыста бар зертханаларды тұрақты жаңғырту мехенизмін енгізу бойынша сапалы ұсыныстар әзірлеуге бағытталған.
Сонымен, техникалық реттеу саласының мәселесіне арнайы құрылған Аймақтық штабтар шеңберінде Қазақстанның өңірлеріне іс-сапарлар ұйымдастырылып, отандық компаниялардың, орталық және жергілікті билік органдарының жоғарғы және орташа деңгейдегі менеджерлерімен, тіркелген сынақ және метрологиялық тексеру зертханаларының, кәсіпкерлер палатасының, БАҚ мен тұтынушылардың құқығын қорғау бойынша қоғамдық ұйымдардың өкілдерімен кездесу өткізілді.
«Бүгінде біз барынша қызықты мәселе - Қазақстанда өндірілетін өнімнің және жалпы өнімнің техникалық реттеу мәселесін қарастырдық. Ол үшін, тауар өндірісін бастауда біз бекітілген стандарттарға және елімізде бар стандарттар құрамы бойынша талаптарға сай келуіміз керек. Бұл бізде болу керек ең маңызды құжат. Ал, өнім өндіріс деңгейіне өткен сол, ол сынақтан өткізілуі керек. Сонымен қатар, тауардың талаптарға қаншалықты сай екенін білу мақсатында сынақ өткізу үшін бізде қажетті құралдарда болған жөн», - деді Астана қаласы әкімінің орынбасары Қанат Сұлтанбеков.
