ҚР-да 2014 жылдың соңына қарай фармацевтика нарығы отандық дәрі-дәрмекпен 50% қамтамасыз етіледі – Е.Кәрібаев
«Биылғы жылдың соңына қарай фармацевтика нарығы отандық дәрі-дәрмекпен 50% қамтамасыз етуді жоспарлап отырмыз. Бағдарлама биыл аяқаталатын болады», - дейді Е.Кәрібаев.
Оның айтуынша, ҚР-дағы фармацетикалық өнім көлемі қарқынды дамып келеді.
«2013 жылы өнім көлемі 2008 жылғы көрсеткішпен салыстырғанда 3 есеге өсіп, 33 млрд теңгеден асып жығылды. 2015 жылдан бастап барлық өндіріс GMP стандартымен жұмыс істеуі керек»,- дейді.
Айта кету керек, Ұлттық кәсіпкерлер палатасының күрделі мәселелер реестріне медициналық техника мен медициналық бағыттағы бұйымдар, дәрі-дәрмектер сатып алу процедурасын жетілдіруге байланысты мәселелер енеді.
Сонымен қатар, дөңгелек үстел барысында 2010-2014 жылдарға арналған ҚР фармацевтикалық өнеркәсіпті дамытудың салалық бағдарламасын іске асыру аясында отандық тауар өндірушілерді қолдау шараларының медициналық техника мен медициналық бағыттағы бұйымдар, дәрі-дәрмектер сатып алу процедурасын жетілдіруге байланысты мемлекеттік және жеке меншік сектордың өзара қатынасын нығайту мәселелері талқыланды.
Дөңгелек үстел қорытындысы бойынша, қазақстандық кәсіпкерлік климатты жақсарту бойынша тұрақты құрылымдық диалог пен біріккен шешімдерді құру үшін ҚР ҰКП мен тиісті мемлекеттік орган өкілдерінің қатысуымен жұмыс тобын құру туралы шешім қабылданды.
