VII Астаналық экономикалық форумы аясында «жасыл» экономикаға көшу сұрақтары талқыланады

Қоршаған орта ж»не су ресуртары министрлігінде хабарлағандай, күн тәртібіне биоалуантүрлілікті сақтау, кәсіпорындарда энерготиімділік мәдениетін  қалыптастыру, таза судың қол жетімділігін қамтамасыз ету, «жасыл» құрылысты дамыту, өндіріс қалдықтарын басқару, «жасыл» жұмыс орындарын ашу және «жасыл» инвестицияларды тарту мәселелері шығарылуда.     

Талқыланатын мәселелер бойынша көптеген елдердің мемлекеттік органдарының, Еуропалық Одақ, USAID Қазақстандағы өкілдіктерінің басшылары, отандық және шетелдік сарапшы ғалымдар, қазақстандық және халықаралық ұйымдардың, сондай-ақ, кәсіпкерлік бірлестіктердің өкілдері пікір алысады.

«Жасыл» даму принциптеріне негізделген орнықты экономикалық өсуді қамтамасыз ету, сондай-ақ, Қазақстанның 2050 жылға дейінгі даму стратегиясында белгіленген мақсат - әлемнің дамыған отыз елі клубына кіру үшін табиғатты пайдалану салаларында нақты шешімдер қабылдап, оларды іске асыруды, заманауи технологияларды енгізуді, табиғи ресурстарды пайдалану тиімділігін арттыру қажет. Бүгінгі күні әлемде табиғат қорларының шегі бар екендігі жөнінде түсінік бар.

 Сондықтан да , табиғатты пайдалану тетіктерін экологиялық және әлеуметтік тұрғыдан  қайта қарастыру қажет. Бұл мәселені шешімі, табиғи ресурстарды пайдаланатын бизнестің өз қызметінің экономиканың орнықты дамуы мен адамдардың өмір сүру сапасына әсерін түсіну тереңдігі мен айқындығына және белгілі бір іс-қимылдар қабылдауына байланысты.