«ҚазжолҒЗИ» АҚ автомобиль жолдарын төлқұжаттау бойынша жол зертханасын сатып алды

Көлік және коммуникация министрлігінде хабарлағандай, машина зертхананың қозғалысына, оның жүріп өткен қашықтығына, тұрған жерінің координаттарына және басқа деректерге бақылау жүргізетін жайғастыру жүйесімен жабдықталған.

 «Осы зертхананың басым артықшылығы бұл оның жолдағы ақаулықтарды анықтап қана қоймай, GPS жүйесінің көмегімен олардың қай жерде пайда болғанын анықтауға мүмкіндік жасайтыны. Бұл жолды жайғастыру мәселесіне де қатысты: қатерлі құламалар, кенет бұрылыстар, сәйкес белгілеуі жоқ орындар белгіленеді. Бұл ақаулықтарды жою мәселесін шешуге мүмкіндік береді, яғни жол қозғалысы қауіпсізідігін арттырады», -  деп ҚР ККМ Автомобиль жолдары комитеті төрағасының орынбасары Темірхан Меңдіғалиев атап өтті.

Өткен жылы үш «Облжоллаборатория» автомобиль жолдарының сапасына бақылау жүргізетін жылжымалы жол зертханасымен жабдықталған. Қозғалыс кезінде машина бейнетүсірілім жасап, арнайы датчиктар мен лазерлер көмегімен жол төсемінің сипаттамаларын анықтайды.

 Осындай зертханалар кешендерінің саны биыл 11-ге дейін жетеді, ал 2015 жылға қарай осындай машиналар әрбір аймақта жұмыс жасайды. Одан тыс  «ҚазжолҒЗИ» қоймасында тағы бір зертханалық кешен бар. Оның көмегімен жол төсемесінің жете зерттелуін шұғыл жүргізуге болады.