«Халықаралық бағдарламалар орталығы» АҚ өкілдері аймақтарда түсіндіру жұмыстарын жүргізуде

«2014 жылдан бастап магистр дәрежесін алу үшін жаңа 2 категория: «БАҚ қызметкері» және «мәдениет және шығармашылық қызметкері» енгізілді. Байқауға 7 категория бойынша қатысуға болады. Олар: «өзбетімен түскендер», «мемлекеттік қызметкерлер», «ғылыми-педагогикалық қызметкерлер», «ЖОО түлектері», «БАҚ қызметкерлері», «мәдениет және шығармашылық қызметкер» мен «іс-тәжірибеден өтуге үмміткерлер», - деді  А. Надырова.

Бұдан басқа, «Болашақ» шәкіртақасы байқауына қатысу мақсатында электронды мемлекеттік қызмет енгізілді. Қазақстан азаматтары байқауға өтініштерін Электронды Үкімет Порталы egov немесе ХҚКО арқылы еліміздің кез-келген түкпірінен жібере алады.

Бүгінде «Болашақ» бағдарламасының негізгі міндеті 2050 Стратегиясын жүзеге асырушы механизм ретінде аймақтарға мамандар даярлау болып табылады.

Жалпы, Бағдарлама шеңберінде 10346 шәкіртақы берілді. Қазіргі таңда 2366 білімгер 33 мемлекеттің  200 ең мықты университетінде білім алуда.