«ҚазАгроның» рейтингісі сыртқы нарықтан қомақты қаржы тартуға мүмкіндік берді - К.Айтуғанов

6 Наурыз, 2014 10:45

Президенттің халыққа Жолдауының шеңберінде «ҚазАгро» ұлттық холдингісі кәсіпорындарды қаржылай сауықтыру үшін қомақты қаржы тартты. Бұл туралы холдингтің басқарма төрағасының орынбасары Қайрат Айтуғанов «Strategy2050.kz» АА берген эксклюзивті сұхбатында мәлім етті.

«Қаржылай сауықтыру бойынша да көптеген жұмыстар атқарылып жатыр, бұл туралы Жолдауда да айтылды. Бүгінде бұл үлкен бағдарлама «Агробизнес-2020» деп аталады, ол 2014 жылдан бастап жүзеге асырылуда. Бастапқы кезеңде мемлекетіміз жаңадан тәй-тәй басып келе жатқан кезде, несиелер жетпеді, олар тым қысқа мерзімге беріліп, пайыздық үстем ақысы да жоғары болды. Сондықтанда қазіргі таңда көптеген кәсіпорындарды қаржылай сауықтыру керек. Бұл үшін мемлекет «ҚазАгро» арқылы қомақты қаржыны қаржылай сауықтыру үшін тартуда», - деді Қ. Айтуғанов.

Сонымен, оның айтуынша, «ҚазАгро» ұлттық холдингі соңғы 2013 жылда мемлекеттік «BBB +» рейтингісін алды.

«Бұл рейтинг екінші деңгейлі банктердің деңгейінен жоғары, және ол бізге сыртқы нарықтан үлкен соманы тартуға мүмкіндік берді. Бұл ел тарихында бірінші рет. Өткен жылы 1 млрд. доллар, ал жаңа жыл қарсаңында - 100 млн доллар, сонымен қатар, күні кеше ғана - 100 млн доллар сыртқы нарықтан тартылды. Бүгінде нарықтар жабық кезінде ол «ҚазАгро» үшін қолжетімді», - деді Қ. Айтуғанов.

Оның айтуынша, сырттан ақша тартудың бір кемшілігі әркез сайын пайыздық үстем ақы жоғарылап отырады.

«Әрине түсінікті, бұл ретте әлемдік нарқытың ролі зор, жалпы әлем экономикасы. Сондықтанда осы тартылған ақша қаржылай сауықтандыруға бағытталуда. Біз оларды екінші деңгейлі банкттерге, біздің қаржы институттарымызға жіберудеміз. Олар 9 жылға несие береді, ал несиенің пайыздық үстем ақысын мемлекет субсидиялайды», - деп ол түсіндіріп өтті.

Барлық жаңалықтар