Мәжіліс парниктік газ шығарындыларын асырып қолданғаны үшін айыппұл мөлшерін төмендету туралы заң жобасын мақұлдады

5 Наурыз, 2014 20:31

Бүгін ҚР Қоршаған орта және су ресурстары министрі Нұрлан Қаппаров Парламент Мәжілісінде «Қазақстан Республикасының Әкімшілік құқық бұзушылық туралы кодексіне өзгерістер енгізу туралы» заң жобасын таныстырды.

"Заң жобасының мақсаты парниктік газдар шығарындыларына белгіленген квота көлемін арттырғаны үшін жауапкершілік тетігін кезең-кезеңімен енгізу болып табылатындығында" деп атап өтті министр.

Ведомство басшысының айтуынша, жауапкершілік мерзімін өзгерту жалғыз министрліктің ғана бастамасы емес. 2012 жылдың 2 қарашасында Мәжіліс депутаттары тарапынан "Қазақстандағы Киото протоколын жүзеге асыру тетіктері туралы" конференциясының резолюциясын енгізу кезінде ұсынылған.

"2013 жыл шеңберінде біз өнеркәсіп саласының мамандарымен және қызығушылық танытқан ведомство өкілдерімен кеңес жүргіздік. Ортақ шешім қабылданғаннан кейін Үкімет аталған заң жобасын енгізуді тапсырды" деді министр.

Айта кетейік, Палата Спикері Нұрлан Нығматулиннің төрағалығымен өткен жалпы отырыста Мәжіліс «Қазақстан Республикасының Әкімшілік құқық бұзушылық туралы кодексіне өзгерістер енгізу туралы» заң жобасын бірінші оқылымда мақұлдады.

Барлық жаңалықтар