ҚОСРМ парниктік газ шығарындыларын асырып қолданғаны үшін айыппұл мөлшерін 2 есеге төмендетуді ұсынып отыр
Ведомствода хабарлағандай, ҚР Парламентi Мәжiлiсiнiң депутаттары ҚР қоршаған орта және су ресурстары министрі Нұрлан Қаппаров ұсынған «ҚР Әкiмшiлiк құқық бұзушылық туралы» Кодексiне өзгерiстер енгiзу туралы» заң жобасын бiрiншi оқылымда мақұлдады.
Ведомствоның хабарлауынша, Заң жобасында «Әкімшілік құқық бұзушылық туралы» ҚР кодексінің 243-1 бабына парниктік газдар шығарындыларына квоталарды асырғаны үшін айыппұл мөлшерін 10 айлық есептік көрсеткіштен 5 айлық есептік көрсеткішке дейін төмендету жөніндегі түзету ұсынылды.
Сонымен қатар түзетуде парниктік газдар шығарындыларына квоталарды асырғаны үшін табиғатты пайдаланушылардың жауапкершілігінің басталу мерзімін кейінге шегеру қарастырылған.
Аталған өзгерістерді енгізу мақсаты – парниктік газдар шығарындыларына белгіленген квота көлемін асырғаны үшін айыппұл санкциялары тетігін енгізу мерзімін 2014 жылдың 1 шілдесіне шегеру арқылы табиғатты пайдаланушылардың парниктік газдарды реттеу жүйесіне кіру барысында көтеретін шығындарын азайту.
