«ҚазАгро» Ұлттық басқару холдингі» АҚ Басқарма төрағасы Мажарстанның өңірлерді дамыту министрімен кездесті
Кездесуде отбасылық фермерлік шаруашылықтарды құру жөніндегі Қазақстан мен Мажарстанның өзара іс-әрекеттерінің болашағын талқыланды, деп Сыртқы істер министрлігінде хабарлады.
Дәл осы күні Мажарстандағы ҚР Елшілігі мен Мажарстан Инвестиция және сауда агенттігінің ұйымдастыруымен ауылшаруашылығы саласындағы ынтымақтастық мәселелері туралы қазақстандық-мажарстандық бизнес-форум өтті.Сондай-ақ, Д.Айтжанов Agrometal Klaster Zrt., Aton Invest, Bonafarm Csoport, Evo Pro Holding, Hevesgep Kft., Hunland Dairy Nyrt, Krax Gepgyar Kft. мажарстандық компанияларының басшыларымен кездесулер өткізді.
Кәсіпкерлермен кездесулер барысында Қазақстанда түрлі ауылшаруашылық бағытындағы жобаларды жүзеге асыру мәселелері талқыланды.
«Мажарстандық экспорттық-импорттық банк» ЖАҚ Төрағасы Р.Натранмен болған кездесуде «ҚазАгро» басшысы Елбасының тапсырмасын орындауға бағытталған Қазақстан экономикасына шетел инвестицияларын тарту мәселелерін талқыға салды.
