ҚР-да ШОБ тексерісіне мораторийдің заңсыз кәсіпкерліктерге қатысы жоқ – Ж.Әжібаева

«Халыққа қиындық туған кезде мораторий енгізіліп отыр. Бұндай шешім 2009 жылы қабылданды. Нәтижесінде кәсіпкерліктер Президентіміздің сенімін ақтай білді. Алдыңғы мораторий кәсіпкерліктің де ризалығына ие болды. Кез келген тексерісте негізделген себеп бар. Көпшілік тамақтандыру жерлерін мысалға алар болсақ, сонымен қатар дүкендердегі мерзімі өткен тауарларды алатын болсақ немесе сауда орындарындағы санитарлық-гигиеналық талаптардың ескерілмейтінін ескерсек, онда көптеген заң бұзушылықтардың бетін ашқан болар едік», - дейді Ж.Әжібаев.

Естеріңізге сала кетейік, ҚР-да 2014 жылдың 2 сәуірі мен 2015 жылдың 1 қаңтары аралығында шағын және орта кәсіпкерліктерді тексеруге мораторий жарияланды.

«Мен шағын және орта кәсіпкерлік субъектілерін тексеруге мораторий жариялаймын. Үкіметке бизнеске қолайлы орта қалыптастыру жолындағы шараларды жақсарту үшін шаралар атқаруға тапсырма беремін. Мемлекеттік органдар Президент әкімшілігінің келісімін ала отырып тексерістерді анықтаудың әлемдік талаптарға сай жүйесін дайындайды. Осыған сай, 2015 жылдың 1 қаңтарынан бастап тек қатер деңгейі жоғары кәсіпкерліктерге ғана тексеріс жүргізілетін болады. Егер кәсіпркерліктер барлық талаптарды орындап отыратын болса, онда мүлде тексеріс жүргізілмейді», - деген еді Елбасы.

Алдын ала болжам бойынша, үшінші тұлға алдында ерікті түрде сақтандыру заңнамасын мықтау тексерістік баламасы болмақ. Сонымен қатар 2015 жылдың 1 қаңтарынан бастап шағын және орта кәсіпкерліктерді жою процедурасы жеңілдетіледі.