2014 жылы жан басына шаққандағы ЖІӨ 14,6 мың долларды құрайды – Ерболат Досаев
28 Тамыз, 2013 00:00
Қазақстанда 2014 жылы жан басына шаққандағы ЖІӨ 14,6 мың долларды құрайды деп болжануда. Бұл жөнінде бүгін Үкімет отырысында ҚР Экономика және бюджеттік жоспарлау министрі Ерболат Досаев мәлім етті.
«2014-2018 жылдары экономиканың нақты өсімі 6-7,1 % деңгейінде болады деп болжануда. Номиналдық ЖІӨ 2014 жылғы 38,6 трлн теңгеден 2018 жылы 65,9 трлн теңгеге дейін өседі», - деді отырыста 2014-2018 жылдарға арналған елдің әлеуметтік-экономикалық даму болжамын сөз еткен министр.
Оның айтуынша, 2014 жылы жан басына шаққандағы ЖІӨ 14,6 мың долларды құрайды. 2018 жылы ол 24 мың долларға дейін өспек.
