• Басты
  • Т.Есентаев: 2016 жылға дейін Қазақстанда 42 дене шынықтыру-сауықтыру кешені салынады

Т.Есентаев: 2016 жылға дейін Қазақстанда 42 дене шынықтыру-сауықтыру кешені салынады

5 Наурыз, 2014 13:25
2016 жылға дейін Қазақстанда 42 дене шынықтыру-сауықтыру кешені салынады. Бұл туралы ҚР Президенті жанындағы Орталық коммуникациялар қымзметінің брифингінде ҚР Спорт және дене шынықтыру агенттігінің төрағасы Тастанбек Есентаев.

«Қызметтің стратегиялық маңызды бағыттары спорттық нысандар құрылысын қолға алу, әсіресе бұл ауылдық жерлерге тиесілі. Осы мақсатта агенттік әрбір аудан мен облыстық маңызы бар қалаларда дене шынықтыру-сауықтыру кешендері құрылысын қолға алуда», - деді төраға.

Үкіметтің қолдауымен 2014 жылы 15 дене шынықтыру-сауықтыру кешенінің құрылсына мемлекттік бюджеттен қаражат бөлу қарастырылған.

Сонымен қатар, агенттік тұрғын үй жері бойынша жалпы білім беретін мектептер жанынан эконом-сыныптық хауыздар салу батамасын қолға алуда.

«Спорттық инфрақұрылымды дамытуға баса назар аударылады. Статистикаға сай, 2013 жылы республикада 34234 спорттық нысан жұмыс істеп тұрған. Соның ішінде 21 915-і ауылдық жерлерде. 2012 жылғы көрсеткішпен салыстырсақ, спорттық нысандар 887-ге артып, ауылдық жерлердегі аталмыш орындар 738-ге көбейген», - дейді Т.Есентаев.

Оның айтуынша, ел бойынша спорттық нысандар спортпен айналысуға құлықты халықтың сұранысын қанағаттандырып отыр.

«Аталмыш қажеттілікті қанағаттандыру үшін жекелеген инвестиция есебі мен мемлекеттік-жеке меншік әріптестік негізінде 70/30 тәртібімен республикалық және жергілікті бюджеттен қаржыландыру арқылы дене шынықтыру-сауытыру кешендері құрылысын кезең-кезеңімен салу жоспарланған.

Барлық жаңалықтар