• Басты
  • ҚР-да ұлттық спорт түрлерін паш ету мақсатында 2013 жылы 3 мың жарыс өткізілді – Т. Есентаев

ҚР-да ұлттық спорт түрлерін паш ету мақсатында 2013 жылы 3 мың жарыс өткізілді – Т. Есентаев

5 Наурыз, 2014 13:00
ҚР-да ұлттық спорт түрлерін паш ету мақсатында 2013 жылы 3 мың жарыс өткізілді . Бұл туралы Орталық коммуникациялардың баспасөз отырысында Спорт және дене шынықтыру істері агенттігінің төрағасы Тастанбек Есентаев мәлімдеді.

«Ұлттық спорт түрін нақыштау үшін барлық шаралар жасалып жатыр. 2013 жылдың қорытындысы бойынша ұлттық спорт түрімен 250 мың 229 адам айналысады. Аталмыш спорт түрін дамыту үшін 3 мың жарыс өтеді. Сондай-ақ, спортшылар 2013 жылы халықаралық аренада ұлттық спорт түрі бойынша 139 медаль алынды. Сондай-ақ, «Сарыарқа» республикалық велотрегінде «Қазақ күресі» республикалық   III туринирі өткізілді», - деді Т. Есентаев.

Брифингте атап көрсетілгендей, өткен жылы біздің спортшылар олимпиадалық емес спорт түрлері бойынша 279 медаль қанжығалаған, оның ішінде: 112 алтын, 80 күміс, 87 қола медаль. Әрі қарай таратып айтар болсақ, әлем чемпионаттарында – 92, Азия біріншіліктерінде – 43, халықаралық турнирлерде – 144 медаль жеңіп алынған.

Мүмкіндіктері шектеулі спортшылар да халықаралық жарыстардан 28 медаль тағып қайтты, оның ішінде: 9 алтын, 13 күміс және 4 қола медаль.

«Есеп беріп отырған кезеңдегі Агенттіктің басты міндеті - спорттың 15 түрі бойынша 98 медаль комплекті сарапқа салынған Сочи Олимпиадасына Қазақстанның ұлттық құрамасын дайындау болды. Ұлттық құрамамыз Сочиде 1 қола медаль қаржығалап, Халықаралық олимпиадалық комитеттің бейресми жалпыкомандалық рейтингінде 26 орынға тұрақтады», - деді Тастанбек Есентаев өз соңында.

Оның айтуынша, агенттіктің ең басты мақсаттарының бірі Сочидегі XXII қысқы олимпиадаға қатысуға дайындау болды.

«Айта кетерлігі, бұқаралық спортты дамыту арқылы спорттағы жеткен жетістіктеріміз Ел Президенті Н. Назарбаевтың қолдауының арқасы", - д»ді ол.

 

Барлық жаңалықтар