• Басты
  • Қазақстан Үкіметі халықтың денсаулық сақтау секторында реформаларды енгізу талабын көрсетуде – Тата Чантуридзе

Қазақстан Үкіметі халықтың денсаулық сақтау секторында реформаларды енгізу талабын көрсетуде – Тата Чантуридзе

5 Наурыз, 2014 12:13
Қазақстан Үкіметі халықтың денсаулығын жақсарту мақсатында денсаулық сақтау секторында үлкен және күрделі реформаларды жедел және тиімді енгізуге деген талабын көрсетіп отыр. Бұл туралы Oxford Policy Management консультанты Тата Чантуридзе (Ұлыбритания) айтты.

 «Бірыңғай Ұлттық денсаулық сақтау жүйесінің аясында және «Саламатты Қазақстан» бағдарламасын басшылыққа ала отырып, Денсаулық сақтау министрлігі саланы қаржыландыру және қызметтерді сатып алу жүйесін қайта құруға, медициналық қызмет көрсетуді ұйымдастыруға және ресурстарды жинақтауға негізделген саясатты жүзеге асырып келеді. Міне, осының арқасында жүйенің жұмысы біршама жақсарып отыр», - деді Тата Чантуридзе.

Министрлік бұл салада біраз жұмыстар атқарды, атап айтқанда, клиникалық-шығыстар тобы бойынша төлем жасаудың жаңа әдісі енгізілді, бұл әдіс әрбір емделген оқиға бойынша көрсетілген қызметтер үшін төлем жасауға мүмкіндік береді.

Аралас медициналық ұйымдар шоғырланған ауылдық денсаулық сақтау деңгейінде - жаһандық бюджет жүйесі енгізілді, бұл әдіс бастапқы медицина-санитарлық жәрдем деңгейінде бқлінген қаржыны еркінірек басқаруға мүмкіндік береді.

« Оған қоса, ағымдағы жылдан бастап денсаулық сақтаудың бастапқы буыны деңгейінде қызметтер үшін төлем жасаудың жаңа тетігі қолға алынды.Денсаулық сақтау жүйесі қарқынды дамып келеді, оған халықтың денсаулық жағдайындағы оң динамика көрсеткіштері, өлім-жітімдердің азаюы, өмір жас ұзақтығының ұлғаюы сияқты жетістіктер дәлел», - деді ол.

 

 

Барлық жаңалықтар