Қостанай облысында Жолдауды түсіндіретін мобильді топтарға семинар өтті

5 Наурыз, 2014 12:00

«Нұр Отан» партиясының Қостанай облыстық бөлімшесі Мемлекет басшысының Жолдауы мен партия доктринасын түсіндіретін облыстық мобильді топ құрды. Оның құрамына қоғам қайраткерлері, ғылыми интеллигенция, партия бөлімшесінің аудандық және қалалық мобильді топтарының жетекшілері кірді.

Партияның баспасөз қызметінің хабарлауынша, облыстық мобильді топ мүшелері оқыту модулінен өтіп, тарату материалдары мен топ жұмысы бойынша мониторингтік карта және семинардан өткені туралы сертификат алды.

«Мобильді топ жұмысы «тең-теңімен» ұстанымы бойынша құрылған. Мысалға, өңірдің аграриясына Жолдау мазмұнын таныстыру үшін мобильді топтың осы салада жұмыс істейтін мүшелері айналысады», - дейді бөлімшенің қоғамдық-саяси жұмысы бөлімінің кеңес берушісі Абылай Кәкенов.

Оның айтуынша, әрбір аумақтық бөлімшеде мобильді топ құрылған. Оның қатарына білім беру, денсаулық сақтау, әлеуметтік сала, ауыл шаруашылығы, кәсіпкерлік өкілдері мен жастар көшбасшысы, мүгедектер қауымдастығы өкілдерімен үкіметтік емес секторлар кірген.

Айта кету керек, обтльді топтың әрбір мүшесі сөз алғанда өз ауылы мен қаласының нақты даму фактісіне сүйену тапсырылған.

Оқыту семинары Қостанай, Рудный мен Қостанай ауданының кәсіпкерлігінде ұйымдастырылды.