• Главная
  • Қазақстан халқы өзінің мәңгілік екенін дәлелдеді –Ж.Рысбекова, профессор
8 марта, 2014 13:00

Қазақстан халқы өзінің мәңгілік екенін дәлелдеді –Ж.Рысбекова, профессор

Мемлекет қалыптастыру уақытының бірнеше жылдық кезеңінде тарихтың толқынында бірқатар қиындықтарды жеңе отырып, өзінің ана тілін сақтай келіп Қазақ халқы өзінің мәңгілік екенін дәлелдеді, дейді заң ғылымдарының кандидаты, профессор Жанар Рысбекова.
Қазақстан халқы өзінің мәңгілік екенін  дәлелдеді –Ж.Рысбекова, профессор

«Халық игілігі – ең үлкен заң, деген еді Цицерон. ҚР Президентінің Қазақстан халқына «Қазақстан жолы-2050»: Бір мақсат, бір мүдде, бір болашақ» Жолдауында Стратегия нақты шаралардың бағдарламасы ретінде айқындалып, күннен күнге, жылдан жылға халықтың әл-ауқатын арттыра түспек», - дейді Жанар Рысбекова.

Оның айтуынша, тарихтың әр кезеңінде біз өзіміздің тарихымызды құра отырып, соның бір бөлігіне айналудамыз. Бұл бізді болашақ ұрпақ алдында жауапкершілік жүктейді.

«Мемлекет қалыптастыру уақытының бірнеше жылдық кезеңінде тарихтың толқынында бірқатар қиындықтарды жеңе отырып, өзінің ана тілін сақтай келіп Қазақ халқы өзінің мәңгілік екенін дәлелдеді. ҚР Президенті Қазақстан халқына «Қазақстан жолы-2050»: Бір мақсат, бір мүдде, бір болашақ» Жолдауында: «Біз, қазақстандықтар, бір халықпыз! Біздің ортақ тағдырымыз – Мәңгілік Ел, біздің Ұлы Қазақстанымыз!» деген болатын», - дейді Ж.Рысбекова.

«Әрбір қазақстандықтың парызы – тарихымыз, қазіргіміз бен болашақ алдында Президент Жолдауында айтылған идеологияға үлес қосу. Ең бастысы – тарихтың мықты негізін құрай отырып болашақ пен қазіргі күнімізде өз деңгейімізде лайықты қалыптаса білуіміз», - деп түйіндеді профессор.