Елбасының Қазақстан халқына Жолдауының сурдоаудармалық нұсқасы іске қосылды

4 Наурыз, 2014 16:49

Бүгін «Қазконтент» АҚ базасындағы «Strategy2050.kz» ақпараттық порталы ҚР Президенті Н.Ә.Назарбаевтың «Қазақстан жолы-2050»: Бір мақсат, бір мүдде, бір болашақ» атты Жолдауының толық сурдоаудармалық нұсқасының тұсаукесер рәсімін өткізді.

«Видоежоба есту қабілеттері нашар азаматтарға "Қазақстан-2050: Мәңгілік ел" стратегиясының негізгі бағыттарын түсіндіру мақсатында арнайы әзірленіп отыр», - деді «Қазконтент» АҚ медиа-жобалар бойынша атқарушы директор Абай Жақыпов.

ҚР Президенті Н.Ә.Назарбаевтың Қазақстан халқына Жолдауының сурдоаудармалық нұсқасы мүмкіндігі шектеулі жандар үшін арнайы ұсынылды.

«Қазконтент» АҚ ауыр еститін мүмкіндігі шектеулі жандарға арналған бағдарлама дайындады. Осы арқылы олар Президентіміздің Қазақстан халқына Жолдауының басты аспектілерімен таныса алады. Бұл өз кезегінде барлық есту қабілеттері төмен жандарға аталмыш бағдарлама бойынша ақпарат алуға мүмкіндік береді», - дейді «Қазақстандық саңыраулар қауымдастығы» қоғамдық бірлестігінің төрағасы Жангелді Бекбатыров.

Жобаның мақсаты - «Қазақстан-2050» стратегиясының жүзеге асу барысын қалың оқырманға ақпараттандыру, аталмыш стратегияда айтылған міндеттерге ақпараттық қолдау көрсету және насихаттау болып табылады. Видеоның ұзақтығы - 1 сағат 9 минут.

Барлық жаңалықтар