ШҚО-да «Қазақстан - 2050» Стратегиясы - Назарбаевтың қазақстандық жолы» көрмеcі өтті

 Іс -шара барысында шығармашыл жастар көрмеге көрнекі құралдар арқылы Қазақстан Республикасы Президентінің Жолдауымен және қызметі жолымен танысу мүмкіндігіне ие болды.

Интерактивті экспозицияда 3D панорамасы және Назарбаев орталығы Баспа Үйі кітаптарының аудио нұсқалары қойылды. Қызығушылық танытқан жастарға электронды кітаптарды AppStore, Play Market, Marketplace электронды қосымшалар арқылы тегін жүктеу үшін жағдай жасалды.

 «Біз мұндай интерактивті экспозицияны арнайы дайындадық. Бұл жерде жастар жоғары технологиялар арқылы Президенттің өмір жолын, еңбегін етене жақын танып-біліп, осылайша Елбасының Жолдауының мән-мағынасына тереңірек үңіліп, түсіне алады», - деді «Назарбаев орталығы» ММ аға ғылыми қызметкері Шоқан Оразбеков.

Кездесу бағдарламасы аясында шығармашыл жастар арасында Президент Жолдауының негізгі бағыттары мен Н.Ә. Назарбаевтың өмірбаянынан сұрақ-жауап түріндегі «Мәңгілік ел» байқауы өтті.

 Бұған дейін Президент Жолдауын түсіндірудің жаңа әдістері Ақмола, Солтүстік Қазақстан және Павлодар облыстарында ұсынылған болатын. Енді көрме Семей мен Қарағанды қалаларына өтеді деп жоспарланып отыр