ЭКСПО-2017 нысандарының құрылысына жыл сайын 10 мыңға жуық адам тартылады - Б.Көлбаев

4 Наурыз, 2014 15:13

Жыл сайын ЭКСПО-2017 нысандарының құрылысына 10 мыңға жуық адам тартылады, ал, құрылыстың соңына қарай бұл сан 20 мың адамға дейін артуы мүмкін. Бұл туралы ҚР Президенті жанындағы ОКҚ өткен брифингте «ЭКСПО - 2017 Астана» ҰК» АҚ басқарма төрағасы Бекжан Көлбаев мәлім етті.

«2014 - 2015 жылдар аралығында жыл сайын 10 мыңға жуық адамды құрылысқа тарту жоспарланған, ал құрылыстың соңына қарай бұл сан 20 мың адамға дейін артуы мүмкін. Жоспар бойынша жұмысқа қазақстандық ұжымды шақырамыз, алғашқы есептеулер бойынша мамандардың 70% отандастарымыз болады», - деді Б. Көлбаев.

Өз кезегінде, ҚР Қоршаған орта және су ресурстары министрі Нұрлан Қаппаров қазақстандық құрылыс және құрылыс материалдарымен қамтамасыз ететін компаниялар ЭКСПО нысандарының құрылысына қатысуға мүмкіндік алады.

«Шағын бизнес үшін бұл алтын құймасы іспетті болады. Себебі, ЭКСПО-ның шеңберінде сауда және қызмет көрсету саласында түрлі бизнестер ашылады. Ол үлкен қала іспетті, тек шағын жерде барлығы орналасқан. Оның үстіне, көрме өту барысында жан-жақтан қонақтар ағылады, ал, нақ көрме өтетін күні 100 мыңнан 120 мыңға адам келеді», - деді Н. Қаппаров.

Барлық жаңалықтар