ШҚО кәсіпкерлері: ШОБ –тің тексерісіне мараторий жүргізу бизнестің дамуына серпін береді

Облыс әкімдігіндегі жиында кәсіпкерлер қаптаған тексеріс пен қатаң талап кәсіпкерлік жұмыстарына кедергі келтіретінін айтты. Ал мараторийді енгізу кәсіпкерлерді қосымша жүктен арылтып, өз істерінің дамуына жағдай жасайды.

«Біз, шағын және орта кәсіпкерлік өкілдері, Президентіміздің бізге көңіл бөліп жатқаны үшін алғыс білдіреміз. Негізсіз тексерістерді алып тастау біздің еліміздің экономикалық жағдайы үшін бизнестің барлық мүмкіндіктерін тиімді іске асыруғ мүмкіндік береді. Бұл өз кезегінде шағын және орта кәсіпкерліктің қарқын алуына жағдай жасайды. Осы тұрғыда көптеген бастауыш кәсіпкерлердің тексеріс пен қатаң талаптың кесірінен өз істерін дөңгелетіп алып кете алмайтынын да айта кету керек», - дейді Риддерлік жеке кәсіпкер Г.Магомадова.

Естеріңізге сала кетейік, мараторий 2014 жылдың 1 сәуірінен бастап 2015 жылдың 1 қаңтарына дейін күшінде болады.