«ҚазАгро» HSBC Bank plc банкінен 100 млн АҚШ долларын тартты

 Аталған мәміле «ҚазАгро» ҰБХ» АҚ қорландыруының жалпы құнын төмендетуге мүмкіндік берді, деп холдингте хабарлады. Тартылған қаражат Қазақстан Республикасының агроөнеркәсіп кешенін қаржыландыруды жүзеге асыру, сонымен қатар АӨК субъектілерін қаржылық сауықтыру мақсатында Холдингтің айналым капиталын толықтыруға бағытталады.

Жасалған мәміле мемлекеттік бағдарламаларды қолдау мақсатында «ҚазАгро» мен халықаралық банктер арасында қызметтестіктің көрнекі мысалы болып табылады.

Айта кетейік, ҚазАгро» Ұлттық басқарушы холдингі» АҚ құрамына кіретін акционерлік қоғамдардың инвестициялық активтерін тиімді басқару жолымен агроөнеркәсіптік кешенді дамытуды ынталандыру жөніндегі мемлекеттік саясатты іске асырады.

    Холдинг құрамына «Азық түлік келісім шарт корпорацициясы» АҚ, «ҚазАгроҚаржы» АҚ, «Аграрлық кредит корпорациясы» АҚ, «ҚазагроӨнім» АҚ, «ҚазАгрогарант» АҚ, «ҚазАгромаркетинг» АҚ кіреді.