Қазғарыш SSTL еуропалық ғарыш компаниясымен ынтымақтастық даму туралы келісті

4 Наурыз, 2014 10:28

Қазғарыштың қарамағындағы «Ғалам» қазақстандық-француз бірлескен кәсіпорны SSTL (Ұлыбритания) жетекші еуропалық ғарыш компаниясымен ғылыми-технологиялық мақсаттағы ғарыштық жүйені (ҒТМ ҒЖ) құру бойынша келісім-шарт жасады.

Аталған келісім-шарттың ерекшелігі жиынтықтарды жобалау және әзірлеу, ҒТМ ҒЖ құрастыру және сынау жұмыстары «Ғалам» БК мен SSTL компаниясы мамандарынан құралған бірлескен командасымен жүзеге асырылатын болады.

Қазғарышта хабарлағандай, SSTL компаниясының ҒТМ ҒЖ құрастыру бойынша ортақ команданы жасақтауға келісім беруі Қазақстан үшін үлкен жетістігі болып табылады. Себебі тек бірлескен жобалық-конструкторлық жұмыстардың барысында ғана ең жаңа ғарыштық технологиялардың трансфертін толыққанды жүзеге асыруға болады.

SSTL компаниясының бұндай қадамы оның ҚР ҰҒА-ның «ҚазақстанҒарышСапары» ҰК» АҚ-ның жаңа замаңына сай ғарыштық аппараттары бойынша перспективті зерттемелерінің нәтижелеріне қызығушылығымен түсіндіріледі. Қазақстандық мамандарының зерттемелеріне деген бұл қызығушылығы SSTL компаниясының «Ғалам» БК-мен бірлескен командасын жасауымен ғана емес, ҒТМ ҒЖ үшін пайдалы жүктемесін өз қаржы есебінен жеткізуге міндет алуымен нақты дәлелденеді.

Барлық жаңалықтар