2014 жылдың басынан бері СҚО мүгедектігі бар адамдар үшін 5 бос жұмыс орын жәрмеңкесі өтті

4 Наурыз, 2014 10:00

2014 жылдың басынан бері Солтүстік Қазақстан облысының 5 ауданы Айыртау, Есіл, Жамбыл , Ғ.Мүсірепов, Темірязев және Петропавл қаласында өткен жәрмеңкеге 66 кәсіпорын қатысып, 205 бос жұмыс орнын ұсынды.

Облыс әкімдігінен хабарлағандай, жәрмеңкенің қорытындысы бойынша 59 мүгедек тұрықты жұмысқа орналастырылып, 12 адам қоғамдық жұмысқа тартылды. Ал, олардың 7-уі әлеуметтік жұмысқа орналасса, 17 кәсіптік қайта даярлау курстарынан өтетін болды. Бұдан басқа, тағы да 80 кембағал жан жұмысқа орналасу бойынша кеңес алды.

Сонымен қатар, жарымжан жандарды жұмысқа орналастыру мүмкіндігін арттыру үшін Солтүстік Қазақстан облысының барлық Жұмыспен қамту орталықтарында мүгедектермен жұмыс істейтін арнайы қабылдау бөлімдері ашылып, оларға қабылдау ұйымдастыратын жауапты адамдар бекітілген.

Естеріңізге сала кетейік, Мемлекет басшысы халыққа Жолдауында мүмкіндігі шектеулі жандарға кедергісіз орта қалыптастыру және олардың жұмыс істеуі үшін жағдай жасауды тапсырған.

Жалпы, бүгінде аймақта 1986 мүгедек жұмысқа орналастырылған, олардың 1904 ауылшаруашылығы кәсіпорнына, 66 өндіріс ошағына, 16 құрылыс, 24 көлік кәсіпорнына, 157 сауда, 245 білім, 139 дансаулық, 137 қызмет көрсету салаларына және басқа салаларға 108 мүгедек жұмысқа орналастырылды.

Барлық жаңалықтар