Ә. Жұмаділдаев: Республикалық Салық комитеті 2013 жылы 12 миллион электрондық қызмет көрсетті
3 Наурыз, 2014 13:05
Республикалық салық комитеті 2013 жылы шамамен 12 миллиондай электрондық қызмет көрсетті.ҚР Қаржы министрлігі Салық комитетінің төрағасы Әнуар Жұмаділдаев Орталық коммуникациялар қызметінің брифингінде электрондық қызметтердің нәтижесімен таныстырды.
«Бір жыл ішінде 16 млн қызмет көрсетілді, оның электронды түрде 12 млн жүзеге асты, бұл 74 пайызды құрайды. Кеңейтілген электрондық қызметті жүзеге асыру одан әрі жалғасатын болады», - деді Ә. Жұмаділдаев.
Оның айтуынша, 2013 жылы республикалық Салық комитеті 32-нің ішінен 23 қызметті әкімшілендірді, 16 қызмет электрондық қызмет арқылы қолжетімді болады.
«ХҚКО арқылы анықтама алу үрдісі жүзеге асатын болады», - деді Ә. Жұмаділдаев.
«Онлайн-тіркелу бойынша 2 мыңдай тұлға жеке кәсіпкер ретінде тіркелді. Былтыр сондай-ақ электрондық форматта 440 мыңдай патент берілді. Бір жылдың ішінде барлығы 16 млн. жуық қызмет көрсетілсе, оның 12 млн. немесе 73% - электрондық түрде көрсетілген қызметтер», - деді комитет төрағасы.
