ҚР Омбудсмені мен Астанадағы ЕҚЫҰ Орталығының Басшысы 2014 жылға арналған ынтымақтастық жоспарын белгіледі
Кездесу барысында Омбудсмен және біздің еліміздегі ЕҚЫҰ өкілдігі арасындағы 2014 жылға арналған ынтымақтастық жоспары талқыланды, сондай-ақ екіжақты өзара әрекеттесудің перспективалары, негізгі бағыттары мен оны іске асыру нысандары туралы пікір алмасу өтті, деп Қазақстан Республикасындағы Адам құқықтары жөніндегі уәкіл аппаратында хабарлады.
Бұдан бұрын құқық қорғау сипатта жүзеге асырылған бірқатар маңызды іс-шараларды өткізуге мүмкіндік берген ортақ жұмыс нәтижелеріне оң баға берілді, соның ішінде Қазақстанда және шет елде Омбудсменнің жұмысы туралы есептердің көпшілік алдындағы тұсаукесері.
«ЕҚЫҰ Орталығының қазақстандық Омбудсмен институтына көрсетіп жатқан көп жылғы қолдауы, әрине, ұлттық құқық қорғау мекемесінің нығаюына жағымды әсерін тигізді. Оның жалғасуы ел дамуының ұзақ мерзімді стратегиялық мақсаттарына қол жеткізуге септігін тигізетін фактор болатынына сенімдімін», - А. Шәкіров.
Өз кезегінде, Елші Н. Зарудная Қазақстандағы Омбудсмен институтының дамуына оның басшылық еткен офисінің көрсетіп жатқан қолдауына тұтас ұлттық құқық қорғау жүйесінің құрамдас бөлігі ретінде зор мән беретінін атап өтті.
Кездесу қорытындысы бойынша тараптар өзара әрекеттесудің негізгі бағыттарын анықтап, және бірқатар нақты бірлескен іс-шараларды белгілеп, екіжақты ынтымақтастықты жалғастыру туралы ортақ келісімге келді.
