ДСМ жаңаруы бойынша учаскелік дәрігер халықтың денсаулығы мен алдын алу шараларын күшейтуге тиісті – Р.Абзалова
«АМСК-тің басым бағыттарының денсаулық сақтауға әлеуметтік негізін дамыту бойынша ҚР ДСМ-нің жаңа нормативтік құжатында, біріншіден, халықтың қатысуымен және белсенді түрде араласуымен алдын алу олдары мен тиімді технологияларымен қызмет көрсету отбасылық ұстанымдары, екіншіден, оларда тегін медициналық, әлеуметтік және психологиялық көмек көрсету болып табылады. Үшіншіден психологиялық және физиологиялық ерекшеліктерді ескере отырып жасөспірімдік кезде Жастар денсаулығы орталығы атты бөлек қызмет көрсету орнын ашу қарастырылған. Төртіншіден, жұмыстың жақсы көрсеткіші мен нәтижеге жетуде АМСК жұмыскерлерін ынталандыру бойынша экономикалық механизмдерді енгізу қарастырылған», - дейді Р.Абзалова.
2014 жылдан бастап ҚР Үкіметі тарапынан қаржылық құралдар арқылы АМСК жетілдіру мен халыққа медициналық қызмет көрсету сапасын арттыру туралы шешім қабылданды. Дифференцияланған еңбекақы төлемін енгізу үшін алғаш рет қаржы үнемдеуді құру, қор ұстау жағдайында өз бетінше қаржы ағымын басқаруға мүмкіндік беретін нормативтер кешені дайындалуда.
«Қор ұстау жағдайында отбасылық немесе учаскелік дәрігерді экономикалық ынталандыруды енгізуге орай олар халықтың денсаулығы мен алдын алу шараларын қарастыруға тиісті болады. 2013 жылы адам басына шаққандағы норматив орташа есеппен 420 теңгені құрады, ал 2014 жылдан бастап кешенді адам басына шаққандағы норматив 808 теңгеге жетіп, АМСК қызметкерлерінің жалақысын арттыруға мүмкіндік береді», - дейді Р.Абзалова.
