ҚР ЭБЖМ 2014 жылы МЖӘ саласы бойынша жаңа заңнамалық өзгертулерді іс жүзінде қолдана бастайды - Е.Досаев
28 Ақпан, 2014 17:45
ҚР Экономика және бюджеттік жоспарлау министрлігі мемлекеттік жеке әріптестік саласы бойынша жаңа заңнамалық өзгертулерді іс жүзінде қолдана бастайды, деп ҚР Премьер-Министрі Серік Ахметовтың қатысуымен өткен ҚР Экономика және бюджетті жоспарлау министрлігінің кеңейтілген отырысында ведомство басшысы Ерболат Досаев хабарлады.
«Ағымдағы жылдан бастап мемлекеттік жеке әріптестік саласы бойынша өткен жылы енгізілген жаңа заңнамалық өзгертулер іс жүзінде қолданыла бастайды», - деді Е.Досаев.
Бұдан басқа, Министрлік инвестиция тарту бойынша іс-шаралар жоспарын жасақтауда, оның аясында заңнамалық тұрақтылықты қамтамасыз ету, визасыз режимді енгізу, шетелдің еңбек күшін тарту шарттарын оңтайландыру шаралары көзделген.
«Іс-шаралар жоспары Үкіметке ағымдағы жылдың 20 наурызына дейін жіберіледі. Қазақстанның 2014 жылғы экономиканың өсімі ішкі сұраныс пен экспорттың сыртқы факторын жақсарту болады», - деп ол толықтырды.
