• Басты
  • Мемлекеттік медициналық көмекті құрайтын негізгі бөліктердің бірі халықтың әлеуметтік көңіл-күйі болып табылады - Г. Әбдіхалықова
28 Ақпан, 2014 13:30

Мемлекеттік медициналық көмекті құрайтын негізгі бөліктердің бірі халықтың әлеуметтік көңіл-күйі болып табылады - Г. Әбдіхалықова

Кепілдендірілген мемлекеттік медициналық көмектің қолжетімділігі мен сапасы халықтың әлеуметтік көңіл-күйін қалыптастыратын құрамдас бөлігі. Бұл туралы бүгін «ҚР Президентінің Жолдауын жүзеге асыру барысы туралы» республикалық жиналыста ҚР Премьер-Министрінің орынбасары Гүлшара Әбдіхалыкова мәлім етті.
Мемлекеттік медициналық көмекті құрайтын негізгі бөліктердің бірі халықтың әлеуметтік көңіл-күйі болып табылады - Г. Әбдіхалықова

«Мемлекет басшысының алдымызға қойған міндеттері қарапайым, олар өмір сүру ұзақтығын ұлғайту, сонымен қатар ұзақмерзімді уақытқа қойған индикаторларымыз да бар. Осыған байланысты алдағы уақыттағы бағдарламалардың стратегиясын жасақтағанымыз жөн», - деді Г. Әбдіхалыкова.

Оның айтуынша, қазіргі таңда жұмыс істеп жатқан «Саламатты Қазақстан» бағдарламасы екі жылдан кейін аяқталады. Сондай-ақ, оның нәтижесі жаман емес деп қорытынды шығаруға да болады. Бұған белгіленген индикаторларға кезең-кезеңімен қол жеткізу, яғни ана мен бала өлімінің төмендеуі және туберкулез ауруы көрсеткіштерінің жақсаруы дәлел бола алады.

««Саламатты Қазақстан» бағдарламасынан кейін халықтың денсаулығына әсер ететін факторларды басқаруға көбірек көңіл бөлуіміз керек. Халықты көңілін денсаулығына бұруды қалыптастыру керек. Ол үшін тек сектор аралық күш қана емес, азаматтардың өз денсаулығына деген жауапкершілігін сезіндіретін механизм қажет», - деп ҚР вице-премьері атап өтті.

Сонымен қатар, ол салауатты өмір салтынының мәселелері бойынша халықты барынша құлартандыру және түсіндіру жұмыстарына көбірек көңіл бөлінетінін тілге тиек етті.

«Үкімет жанынан менің басшылығымен мемлекеттік емес ұйымдарды үйлестіру Кеңесі құрылуда. Менің ойымша талқылынатын тақырыптардың бірі денсаулық сақтау болады», - деп ол толықтырды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды