• Басты
  • Н. Назарбаев пен П. Бодуэнмен «Бомбардьер» компаниясының қызметін талқылады
26 Ақпан, 2014 16:30

Н. Назарбаев пен П. Бодуэнмен «Бомбардьер» компаниясының қызметін талқылады

ҚР Президенті Нұрсұлтан Назарбаев «Бомбардьер» компаниясының президенті Пьер Бодуэнмен кездесті.
Н. Назарбаев пен П. Бодуэнмен  «Бомбардьер» компаниясының қызметін талқылады

Ақордада хабарлағандай, кездесу барысында компанияның Қазақстандағы қызметінің перспективалары, атап айтқанда, елдегі көлік қызметінің аясын кеңейту жайы талқыланды.

Мемлекет басшысы Давостағы Дүниежүзілік экономикалық форум аясындағы соңғы кездесуден кейін көлік саласында тығыз ынтымақтастық орнату жөнінде қазірдің өзінде нақты жұмыс жүргізілгенін атап өтті.

«Біз «Бомбардьер» тәрізді белгілі компанияның Қазақстан нарығына келуіне мүдделіміз. Осыған байланысты тағы бір отандық «Эйр Қазақстан» әуе жолы компаниясын құруды жоспарлап отырмыз, ол бастапқы кезеңде ішкі рейстерді атқаратын болады. Өздеріңіз білетіндей, біз сондай-ақ BAE Systems компаниясымен бірлесіп «Эйр Астана» әуе жолы компаниясын құрдық. Басқарудың осы тәжірибесін жаңа компания құру кезінде де пайдалануға болады. Авиация саласындағы ынтымақтастықпен қатар біз үшін көлік саласының өзге секторларындағы жобалар да қызықты. Бұдан бөлек отандық ұшқыштар және еліміздегі техникалық қызмет көрсету орталықтарына мамандар даярлау саласындағы ынтымақтастық аса маңызды», – деді Нұрсұлтан Назарбаев.

Қазақстан Президенті мейлінше тығыз ынтымақтастық үшін республикамызда компания өкілдігін ашу және бірлескен қызметті өңірлік деңгейге көшіру қажеттігіне тоқталды.

«Бомбардьер» компаниясының басшысы бұл кездесудің көлік саласындағы түрлі бағыттардағы ынтымақтастықты одан әрі дамыту үшін маңызды екенін айтты. 

«Біз көлік қызметінің сапасын арттыру және жалпы Қазақстанның көлік саласын дамыту үшін бірлесе жұмыс істеуге дайынбыз. Авиациялық техниканы жеткізу – бірлескен қызметіміздің шағын ғана бөлігі екеніне сендіргім келеді. Біз өз технологияларымызды енгізуді әрі мол тәжірибемізді қолдануды да жоспарлап отырмыз. Бұған қоса, Қазақстанның ұшқыштарын оқытып, ұшақтарға қызмет көрсететін сервистік орталықтар құрып, осы арқылы Қазақстанмен ұзақмерзімді перспективада жұмыс жүргізетін боламыз», – деді П.Бодуэн.        

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды