• Басты
  • Британтық кәсіпкерлерге ҚР Президентінің Жолдауы таныстырылды
24 Ақпан, 2014 20:05

Британтық кәсіпкерлерге ҚР Президентінің Жолдауы таныстырылды

Президент Нұрсұлтан Назарбаевтың Қазақстан халқына Жолдауы мен Қазақстанның 2050 жылға дейінгі даму Стратегиясы Лондонда таныстырылды, деп хабарлайды «Kazakh TV».
Британтық кәсіпкерлерге ҚР Президентінің  Жолдауы таныстырылды

Телеарнаның ресми сайтының хабарлауынша, Ұлыбританиядағы Қазақстан елшілігінің ұйымдастырған тұсаукесер рәсіміне 60-тан астам британдық компанияның өкілдері қатысты. Шараның басты тақырыбы қазақстандық экономикада британдық кәсіпкерлік үшін жаңа мүмкіндіктер ашатын жобалар мен бағыттар болды.

Қазақстандық-Британдық іскерлік кеңестің жетекшісі сэр Дэвид Вуттонның айтуынша, форумның рекордтық деңгейіндегі қатысушылар саны Қазақстандағы бизнестің дамуы мен инвестициялауына британдық қауымдастық тарапынан қызығушылықтың жоғары екенін байқатты.

Еуропалық Қайта құру және Даму Банкінің қазақстандық өкілдігінің директоры Джанет Хекман қазақстандық экономиканың дамуына қаржылық институттарың белсенді қатысуын атап өтті. Оның айтуынша, әріптестіктің 20 жылында банк Республикаға шамамен 6 млрд доллар көлемінде инвестиция салған.

«ЕҚДБ-нің Қазақстандағы стратегиялық жоспары елдің 2050 жылға дейінгі даму бағдарламасын іске асырумен тікелей байланысты. Бірінші кезекте біздің инвестиция ұлттық экономиканы әртараптандыру, шағын және орта кәсіпкерлікті дамыту мен өңірлік жобаларға бағытталған. Менің пікірімше, бүгінгі тұсаукесер рәсімі Қазақстанға жаңа инвесторлардың көз салуына септігін тигізеді. Британдық капитал инфрақұрылым, автокөлік пен темір жолы, әуежай мен ЭКСПО-2017 құрылысына қатысатын болады», - дейді Джанет Хекман. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды