2013 жылы Астана-Алматы жоғары жылдамдықты темір жол магистралінің құрылысы басталады
«Ағымдағы жылы жоғары жылдамдықты Астана-Алматы темір жол магистралінің құрылысын бастау жоспарланған, соған орай қалалар арасындағы жүру уақыты 12-ден 5 сағатқа қысқарады», - деді А.Жұмағалиев.
Сонымен қатар, ол жолаушылар тасымалының сапасын арттыру мақсатында 102 жаңа вагондар сатып алынып, 82 вагон ыңғайлылығы жоғары қалыпқа келтірілгенін, оған қоса Астана-Петропавл, Астана-Ақтөбе бағыттары бойынша жүйрік пойыздар ашылғанын атап өтті. Сонымен бірге, биыл Алматы-Атырау және Астана-Атырау бағыттары бойынша пойыздарды іске қосу жоспарланған.
2012 жылы жүк тасымалдау көлемі 294,7 млн тоннаны, жолаушы тасымалдау - 23,5 млн адамды құрады, темір жолдың 675 мың шақырымы күрделі жөндеуден өтті. Жезқазған-Бейнеу және Арқалық-Шұбаркөл темір жолдарының құрылыстары жалғасуда.
