Тараздағы жәрмеңке аясында 200-ден аса мүгедек жұмысқа орналасты
22 Ақпан, 2014 10:30
Таразда мүгедектерге арналған бос жұмыс орны жәрмеңкесі өтті.
Тараз қаласындағы бос жұмыс орындары жәрмеңкесіне мүгедектерге 300 жуық жұмыс орны ұсынып, еңбекке баулуға әзір 40-қа жуық ұйым қатысты. Жәрмеңке қорытындысы бойынша 200-ден аса адам жұмысқа орналасты, делінген әкімдік хабарламасында.
Бұл жәрмеңкеде мүгедектерге өздеріне лайықты жұмыс табуға, ал жұмыс берушілерге жұмыс орындарын тиісті мамандармен жасақтауға мүмкіндік берілді. Сондай-ақ, мұнда келушілерге еңбек заңнамасы, мүгедектерді әлеуметтік қорғау мәселелері, жұмыспен қамтудың белсенді түрлері бойынша ақыл-кеңестер берілді.
