Алматы облысында заманауи қондырғымен жабдықталған 65 автокөліктің кілті тапсырылды
19 Ақпан, 2014 09:10
Талдықорған қаласының орталық алаңында бірқатар медициналық ұйымға жедел жәрдем қызметіне арналған 65 санитарлық автокөліктің кілттері табысталды.
Облыс әкімдігінде хабарлағандай, денсаулық сақтау саласын қаржыландыру облыс көлемінде жылдан-жылға ұлғайып келеді. Мәселен, 2012 жылы 52,6 млрд. теңге, ал биылғы жылы бұл мақсатқа 68,6 млрд. теңге бөлініп отыр. Облысымызда «Саламатты Қазақстан» мемлекеттік бағдарламасының бірінші кезеңі аясында 2013 жылы 3 млрд. теңгеден аса қаражат қарастырылды.
«Медициналық ұйымдардың материалдық-техникалық базасы нығайтылып, құрал-жабдықтар алынды, 21 денсаулық сақтау нысанына күрделі жөндеу жұмыстары жүргізіліп, жаңадан 2 аурухана және 11 дәрігерлік амбулатория қолданысқа берілді, жалпы құны 798 млн. теңге болатын 65 автокөліктің кілтін салтанатты түрде табысталды», - деді Аңсар Мұсаханов.
