Астанада «Мәңгілік Ел» көрмесі ашылады
18 Ақпан, 2014 10:34
Ертең, 19 ақпан «Шежіре» заманауи өнер галереясында «Мәңгілік Ел» көрмесі ашылады, ол Қазақстанның ұлттық идеясы мен суретші Бақтыбек Талқамбаевтың шығармашылығына арналады.
«Көрме ҚР Президенті Нұрсұлтан Назарбаевтың Жолдауында айтылған «Мәңгілік Ел» ұлттық идеясына арналады. Мемлекет басшысының идеясын шығармашыл қауым қолдап, белсенді араласады», - деп «Шежіре» галереясында хабарлады.
Суретшілер одағының мүшесі Бақтыбек Талқамбаев – Шымкент педагогикалық университетінің профессоры, LiUM University (Швейцария) психикалық энергия университетінің профессоры, сондай-ақ, суретші арттрапевт және ағартушы маман ретінде де танымал.
