«G-Global» ақпараттық-коммуникациялық алаңында БҰҰ мүше-мемлекеттер үшін Дағдарысқа қарсы дүниежүзілік жоспардың алғашқы жобасы әзірленді
2014 жылдың 21-23 мамыр аралығында Астана қаласында VII Астана экономикалық форумы мен II Дағдарысқа қарсы дүниежүзілік конференция өткізіледі.
VII Астана экономикалық форумы кезінде өткізілетін маңызды шара - Бреттон-Вуд келісімінің 70 жылдығына орай өткізілетін және БҰҰ-на мүше мемлекеттер үшін Дағдарысқа қарсы дүниежүзілік жоспар жобасын өңдеп, қабылдауға бағытталған басты халықаралық шара ІІ Дағдарысқа қарсы дүниежүзілік конференция болады.
І Дағдарысқа қарсы дүниежүзілік конференцияның басты қорытындылары - әлемдік сарапшылар қауымдастығы мен БҰҰ хатшылығы мен оған мүше мемлекеттер ұсынған Дағдарысқа қарсы дүниежүзілік жоспар жобасының негізгі бағыттары мен Астана Декларациясы болды.
Осындай көлемді жобаның интеллектуалды және ғылыми базасын 2013 жылдың 1 шілдесінен бастап әлемдік экономиканың теңдестірілген дамуын қамтамасыз етуге байланысты идеялармен біріккен 160 елдің өкілдері қазіргі таңда 10 000-нан астам баяндама мен зерттеу жұмыстарын, 35 000 сараптамалық шолу мен түсініктемелер, сондай-ақ, 210-нан астам онлайн бейне-конференциялар өткізілген G-Global ақпараттық-коммуникациялық алаңы құрайды.
ДҚДЖ жобасын тиімді етіп дайындау мақсатында, Ғалымдардың Еуразиялық Экономикалық клубы мен Бреттон-Вудсты жаңарту комитеті әлем бойынша, соның ішінде, АҚШ, Австрия, Швейцария, Франция, Австралия, Люксембург, Қытай, Гонгконг, Индонезия, Перу, Бразилия, Италия, Ресей Федерациясы, БАӘ, Ұлыбритания, Оңтүстік Корея, Эстония, Латвия және Сингапур елдерінде Дағдарысқа қарсы дүниежүзілік конференцияның аутрич-семинарларын өткізуде.
