Мәскеуде Қазғарыш пен Роскосмос сарапшыларының бірлескен кеңесі өтті
17 Ақпан, 2014 14:40
ҚР ҰҒА төрағасының орынбасары Е.Шаймағамбетов бастаған ҚР Ұлттық ғарыш агенттігінің делегациясы Мәскеуге жұмыс сапарымен барды. Онда Қазақстан және Ресей мүдделі мемлекеттік органдардың қатысуымен қазақстандық-ресей жұмыс тобының отырысы өтті.
Ведомствода хабарлағандай, отырыс барысында «Байқоңыр» кешені бойынша ынтымақтастықтың өзекті мәселелері, соның ішінде «Бәйтерек» ҒЗК құру жобаны жүзеге асыруға, «Байконур» ғарыш айлағынан «Протон-М» ЗТ ұшыруға, сондай-ақ «Байқоңыр» кешенін бірлесіп пайдалану бойынша Жол картасы іс-шараларын іске асыруға қатысты мәселелері де талқыланды.
Мәселен, Тараптар Жол картасындағы іс-шараларын жүзеге асыруды жандандыру туралы келісімге келіп, оның іске асу барысын «Байқоңыр» кешені бойынша Үкіметаралық комиссияның 2-отырысында қарастыруды жөн деп санады.
Естеріңізге салайық, 2014-2016 жылдарға арналған «Байқоңыр» кешенін бірлесіп пайдалану бойынша Жол картасына Қазақстан және Ресей үкіметтері 2013 жылғы желтоқсан айында қол қойды.
