Қазақстан 2050 жылға қарай әлемнің дамыған 30 елінің бірі болады – БҰҰ
31 Тамыз, 2013 00:00
Қазақстан 2050 жылға қарай әлемнің дамыған 30 елінің біріне айналады, деп хабарлайды "2050 Стратегиясы" ресми сайты.
«2030 жылы Қазақстан тұрақты даму аясында қойылған барлық мақсат-міндеттерді асыра орындай алады. 2050 жылға қарай Қазақстан әлемдегі дамыған 30 елдің біріне айналады», - деді Серж Мартин.
Оның айтуынша, бұл бағытта Қазақстанда өтетін ЭКСПО-2017 халықаралық көрмесі маңызды қадам болмақ.
«ЭКСПО-2017» - өмірде бір-ақ рет берілетін мүмкіндік. Бұл тұрақты даму жолындағы ең маңызды қадам болуы мүмкін. «Болашақ энергиясы» тақырыбы – Астананы тұрақты энергетиканың Еуразиялық астанасы ретінде әлемнің мойындауы үшін лайықты мәселе», - деп толықтырды БҰҰ сарапшысы.
Мұнымен қатар, оның айтуынша, бұл тақырыпты әрі қарай 2017 жылдан кейін де дамыту қажет. Өйткені, «Болашақ энергиясы» алдағы уақытта Қазақстанның брендіне айналады.
