• Басты
  • Н.Назарбаев 2014 жылдың 1 сәуірінен бастап азаматтық қызметкерлерге 10% көлемінде ай сайынғы қосымша төлемді қарастыруды тапсырды

Н.Назарбаев 2014 жылдың 1 сәуірінен бастап азаматтық қызметкерлерге 10% көлемінде ай сайынғы қосымша төлемді қарастыруды тапсырды

14 Ақпан, 2014 13:33
Н.Назарбаев бүгін Үкіметтің кеңейтілген отырысында 2014 жылдың 1 сәуірінен бастап азаматтық қызметкерлерге 10% көлемінде ай сайынғы қосымша төлем қарастыруды тапсырды.

«Әлем экономикасындағы тенденция мен ішкі жағдайларды есепке алғанда Үкімет пен Ұлттық банк үшін макроэкономикалық және әлеуметтік тұрақтылықты сақтап қалу мақсатында алдын ала ескерту шараларын жүзеге асыру маңызды міндет болып табылады.

Мұндай шаралар жеті бағыт бойынша жүргізілу керек.  Олар - тұрғындардың табысын ұстап тұру, кәсіпкерлікті дамытуды қолдау, тұрақты қаржы секторының тұрақтылығын арттыру, мемлекеттік экономикадағы қатысын азайту,  көлеңкелі экономиканы азайту,  инвестициялық климатты жақсарту және экономика салаларын әртараптандыруды белсенді жүргізу болып табылады»,- деді Н. Назарбаев.

Сонымен қатар Елбасы, «Үкімет негізгі азық-түлік және әлеуметтік маңызды тауарлардың, жанар-жағармайдың дәрі-дәрмектердің бағасын тұрақты ұстап қалып және тауар тапшылығы мен монополистердің қызметінің тарифінің өсуін болдырмауды қамтамасыз етуі тиіс», деп атап өтті.

Сондай-ақ Н. Назарбаев, халыққа әлеуметтік қолдау көрсету үшін іс-шаралар кешенін қабылдау керектігін тілге тиек етті. 

«Үкіметке 2014 жылдың 1 сәуірінен бастап мемлекеттік мекемелерде және мемлекеттік қазына кәсіпорындарында жұмыс істейтін азаматтық қызметкерлерге жалақының үстінен 10% көлемінде айсайынғы қосымша төлем қарастыруды тапсырамын. Азаматтық қызметкерлер - білім, ғылым, денсаулық сақтау, мәдениет, спорт және әлеуметтік қорғау саласының мамандары. Жалпы алатын болсақ,  2015 жылы өсірілетін жалақы көлемін қоса есептегенде, бір жылдан кейін жалақы мөлшері  36%-дан 52%-ға дейін көтеріледі",- деп Мелекет басшысы баса айтты. 

Барлық жаңалықтар