ЕХӘҚМ Ұлттық банкпен бірлесіп 2014 жылдың қыркүйегінде зейнетақы жүйесінің жаңғырту тұжырымдамасын ұсынады - Т.Дүйсенова
14 Ақпан, 2014 12:14
Еңбек және халықты әлеуметтік қорғау министрілігі мен Ұлттық банк бірлесіп 2014 жылдың қыркүйегінде зейнетақы жүйесінің жаңғырту тұжырымдамасын ұсынады. Бұл туралы Мемлекет басшысының қатысуымен өткен Үкіметтің кеңейтілген отырысында ведомсвто басшысы Тамара Дүйсенова хабарлады.
«Бүгінде 2014 жылдың қыркүйегінде ұсынылатын зейнетақы жүйесінің жаңғырту тұжырымдамасын Ұлттық банкпен бірлесіп жасақтау жұмыстары жалғасуда», -деді Т.Дүйсенова.
Сонымен қатар, оның айтуынша, Елбасының тапсырмасы аясында зиянды салада қызмет ететін жұмысшыларға 5% кәсіби зейнетақы қорына міндетті салым енгізілді.
«Ағымдағы жылы зейнетақымен қамтамасыз ету жүйесін жетілдіру жұмыстары жалғасады. Қазіргі таңда зейнетақы жүйесін жаңғыртудың алғашқы кезеңі аяқталды. Ағымдағы жылдың басынан жұмыс істейтін әйелдердің міндетті зейнетақы салымдарын субсидиялау енгізілді», - деп ведомтво басшысы толықтырды.
Жыл басынан бері игі бастаманың шарапатын 93 мың әйел көрсе, оларға республикалық бюджетте 500 млн теңгеден астам қаржы аударылды.
