Екінші бесжылдық бағдарламасының жобасы ҚР Президентінің назарына 2014 жылдың маусымында ұсынылады

14 Ақпан, 2014 11:30

2015-2019 жылдарға арналған индустриялдық даму бағдарламасының жобасын қарастыру ағымдағы жылдың маусым айына бекітілген. Бұл туралы Президенттің қатысуымен өтіп жатқан Үкіметтің кеңейтілген отырысында Премьер-Министр Серік Ахметов мәлімдеді.

«2014 жылы – бұл индустриялдық бағдарламаның екінші бесжылдық бағдарламасының аяқталу жылы. Біз Индустрияландыру картасы бойынша 750 млрд теңге тұратын 130 жаңа жобаны жүзеге асыруды жоспарлап отырмыз», - деді С. Ахметов.

Мемлекет басшысының тапсырмасы бойынша Үкімет индустрияландыру саясатына өзгертулер енгізуде.

«Әр салаға байланысты белгілі мақсаттар орнатылады. Индустрияландыруды қолдаудың жаңа пішіндері енгізіліп, инвестициялық жобалар бойынша екінші дәрежедегі банктерді қормен қамтамасыз ету сұрағы қарастырылады», - деді ол.

«Бәйтерек» Холдингі бойынша бірінші деңгейде 45 млрд теңге қарастырылған.

Сондай-ақ, Премьер-Министрдің айтуынша, инвестиция тарту мақсатында АЭА жүйесінің жұмысы өзгереді, халықаралық серіктестіктің қатысуымен бірыңғай оператор құру жоспарлануда.

«Бұл мақсаттардың барлығы 2015-2019 жылға арналған индустрриялды даму бағдарламасының екінші бесжылдық жобасында қарастырылған, ол қарауға ағымдағы жылдың маусым айында беріледі», - деді С. Ахметов.

Барлық жаңалықтар